Batch 1 pensioners ng SSS matatanggap na ang kanilang pensyon simula ngayong araw

Maagang matatanggap ng mga pensioner ng Social Security System (SSS) ang kanilang pensyon para sa buwanng Abril.

Ayon sa abiso ng SSS, matatanggap ng Batch 1 pensioners na mayroong contingency dates mula ika-1 hanggang ika-15 araw ng buwan ang kanilang pension para sa buwan ng Abril ngayong ika-31 ng Marso, 2021.

Ang Batch 2 pensioners naman na mga may contingency dates mula ika-16 hanggang huling araw ng buwan ay sa ika-16 ng Abril matatanggap ang kanilang pension.

Ang mas maagang pensyon ay bunsod ng paggunita ng Mahal na Araw.