Batanes niyanig ng magnitude 3.5 na lindol

Tumama ang magnitude 3.5 na lindol sa lalawigan ng Batanes.

Ang pagyanig ay naitala sa layong 15 kilometers southeast ng Sabtang alas 6:18 ng umaga ngayong Linggo, Sept. 6.

Ayon sa Phivolcs may lalim na 1 kilometer lamang ang lindol at tectonic ang origin nito.

Naitala ang sumusunod na intensities:

Intensity III:
Sabtang; Uyugan; at Ivana, Batanes

Intensity II:
Basco at Mahatao, Batanes

Hindi naman inaasahang magdudulot ng pinsala at aftershocks ang pagyanig. (END)