Barangay sa Bontoc, Mt. Province isasailalim sa lockdown

Isasailalim sa Enhanced Community Quarantine ang isang barangay sa Bontoc, Mt. Province.

Sa bisa ng Executive Order ni Bontoc Mayor Franklin C. Odsey iniutos nito ang pag-iral ng ECQ sa Barangay Caneo.

Sisimulan ang lockdown alas 12:01 ng madaling araw bukas, February 10 at tatagal hanggang February 16.

Sa ilalim ng pag-iral ng lockdown, bawal lumabas ang mga residente maliban lamang kung bibili ng essential goods.

Bawal din muna ang pagdaraos ng misa at iba pang religious gatherings at bawal bumiyahe ang mga public transport.