Bangkay ng lalaking lulan ng tumaob na bangka sa Cardona, Rizal natagpuan na

Natagpuan na ng mga tauhan ng Philippine Coast Guard ang bangkay ng nawawalang 29-anyos na lalaki na kasamahan ng ilang mangingisda na pumalaot sa Talim Island noong Setyembre a-27.

Sa report ng PCG Sub-Station sa Cardona, alas-3 ng hapon kahapon, Setyembre a-28 nang makita ang katawan ng biktima na residente ng Barangay Mal-Cal, Talim Island in Cardona.

Sa inisyal na imbestigasyon, nakasakay sa bangka ang biktima na sinasabing lasing ngunit tumaob ang nasabing bangka alas-9 ng gabi nang nabanggit na petsa sa lawa na sakop ng Barangay Boor.

Ang katawan ng biktima ay nakuha na ng kanyang pamilya.

Kaugnay nito, pinaalalahanan ng PCG ang lahat ng pasahero ng mga sasakyang pandagat na sumunod sa pinaiiral na safety protocols para sa kanilang kaligtasan. (END)