Balota sa New Zealand na wala umano ang pangalan ni VP Robredo, peke ayon sa Comelec
Fake news ayon sa Commission on Elections ang kumakalat na larawan ng balota sa overseas voting sa New Zealand na wala ang pangalan ni Presidential Aspirant Leni Robredo.
Ayon kay Comelec Commissioner George Garcia, naglabas ng pahayag ang Philippine Embassy sa New Zealand at sinabing walang Pilipino ang nagtungo sa kanilang opisina upang ireklamo ang nasabing balota.
Sa inilabas na pahayag ng embahada, hinikayat ang mga Pinoy doon na ibalik kung may makikita silang balota na kulang sa pangalan ng kandidato.
Itoo ay para ma-beripika ang mga kumakalat sa social media na may mga balota na hindi kumpleto ang pangalan ng mga kandidato sa pagkapangulo. (DDC)
