Bahagi ng national road sa Taft, Eastern Samar isinara sa mga motorista

Bunsod ng nararanasang patuloy na pag-ulat dahil sa bagyong Dante, isinara muna pansamantala sa mga motorista ang bahagi ng national road sa Taft, Eastern Samar.

Sa abiso ng Department of Public Works and Highways Region VIII, isniara ang bahagi ng Camp 5 Boundary – Junction sa bayan ng Taft.

Bunsod ito ng posibleng pagkakaroon ng landslide o rockslide sa Brgy. Binaloan, Taft dahil sa tuluy-tuloy na pag-ulan.

Pinayuhan ang mga motorista na iwasan muna ang nasabing daan at maghanap ng alternatibong ruta.

Maaring gamitin bilang alternatibong daanan ang Junction Buenavista-Lawaan-Basey Road.