Bahagi ng Brgy. Fort Bonifacio sa Taguig isinailalim sa special area of concern
Isinailalim sa special area of concern o SAC ang Block 9, Zone 2 sa Brgy. Fort Bonifacio.
Sa mga nakalipas na araw kasi ay tumaas na bilang ng COVID-19 positive patients sa nasabing lugar.
Sa pahayag ng barangay sa kanilang Facebook page, sinimulan ang pag-iral ng SAC sa naturang lugar, July 25, 2020.
Habang umiiral ang SAC ay paiigtingin ang pagbabantay sa mga lumalabas ng hindi nakasuot ng face mask.
Mahigpit ding ipagbabawal ang pagtambay o pagtitipun-tipon sa labas ng bahay.
Matatapos ang pag-iral ng SAC sa sandaling maideklara na ng Emergency Response for Notifiable and Emerging Diseases (ERNIE) na ligtas na ang lugar. / dvd
