Bahagi ng Brgy. Addition Hills sa Mandaluyong isinailalim sa granular lockdown
Nagpatupad ng granular lockdown ang pamahalaang lungsod ng Mandaluyong sa bahagi ng Brgy. Addition Hills.
Sakop ng lockdown ang Zones 4, 5, at 9 sa Block 41.
Simula alas 12:00 ng madaling araw ng Biyernes (March 12) ay umiral na ang lockdown at tatagal hanggang hanggang Marso 18, 2021 (12:00AM).
Habang umiiral ang lockdown, bawal lumabas ng bahay ang mga residente maliban na lamang kung may emergency, nagtatrabaho o mamimili ng pangunahing pangangailangan.
Bawal pumasok o lumabas ang mga hindi otorisadong sasakyan.
At ipatutupad ang liquor ban.
Ang mga lalabag ay maaring maaresto, makulong o mapagmulta sa ilalim ng RA 11332 at Article 151 ng Revised Penal Code.
