Bagong platform monitors nailagay na sa mga istasyon ng MRT-3
Kasunod ng paglalagay ng mga bagong CCTV cameras, naglagay na rin ng mga bagong platform monitors sa mga istasyon ng MRT-3 bilang bahagi ng malawakang rehabilitasyon na isinasagawa sa buong linya nito.
May naikabit na tig-dalawang platform monitors sa mga istasyon ng North Avenue, Quezon Avenue at GMA-Kamuning.
Layunin nito na mapanatili ang kaayusan sa MRT-3 area.
Target na makapagpalagay ng mga platform monitors sa lahat ng istasyon ng rail line.
Mananatili naman ang deployment ng train marshalls sa mga istasyon at loob ng mga tren upang mapanatili ang kaayusan at mapaalalahanan ang mga pasahero sa mga health and safety protocols na ipinatutupad.
