Bagong ayos na Metropolitan Theater bubuksan ngayong taon
Nakatakdang buksan ngayong taon ang Metropolitan Theater o MET sa Maynila.
Batay sa abiso ng National Commission for the Culture and the Arts o NCCA at National Historical Commission of the Philippines o NHCP sa April 2021 ay bubuksan na ang bagong MET.
Ang MET ay isinailalim sa rehabilitasyon at restoration na target matapos bago ang muling pagbubukas ng pasilidad.
Ang muling pagbubukas ay isasabay na sa quincentennial o ika-500 anibersaryo ng makasaysayang “Victory in Mactan.”
Inaasahang ang isa sa mga aktibidad para sa paggunita ng anibersaryo ng Victory in Mactan ay maidaraos na sa MET sa April 27, 2021 ayon sa NCCA.
