Apat pang barangay sa QC may sarili nang quarantine facilities
Mayroon nang sariling quarantine facilities ang mga Barangay Pasong Tamo, Lagro, Kaligayahan at Sacred Heart.
Ayon sa Quezon City Local Government Unit, malaking tulong ang barangay-based quarantine facilities para mai-isolate ang mga asymptomatic o mild cases at hindi na sila makahawa sa iba.
Ang quarantine facility sa Barangay Kaligayahan ay ginamitan ng malalaking modular tent at bawat tent ay may kama at lamesa para sa pasyente.
May kani-kaniya ring kama at may partition ang quarantine facility sa Sacred Heart.
