Apat na leon sa isang zoo sa Barcelona nagpositibo sa COVID-19
Mayroong apat na leon sa Barcelona Zoo ang nagpositibo sa COVID-19.
Batay sa pahayag ng Catalan Animal Park, mild lamang naman ang sintomas na nakita sa apat na mga leon.
Unang napansin ng kanilang tagapag-alaga ang pagkakaroon ng “mild respiratory symptoms” sa tatlong 16-year-old na babaeng leon at isang four-year-old na lalaking leon.
Ang tagapag-alaga ng apat na leon ay pawang negatibo naman sa sakit.
Agad ginamot ang mga leon at positibo naman ang tugon nila sa gamutan.
Ang mga tagapag-alaga ng hayop sa nasabing zoo ay gumagamit na ng FFP3 masks, plexiglass visors at protective footwear.
