Apat na bahay nawasak sa landslide sa Rodriguez, Rizal
Apat na bahay ang nasira sa landslide na naganap sa Sitio AC, Brgy. San Rafael, Rodriguez, Rizal.
Ayon sa Municipal Disaster Risk Reduction and Management Office ng Rodroguez, naganap ang insidente alas 2:00 ng madaling araw ngayong Biyernes, Jan 22.
Wala namang nasaktan o nasawi sa landslide pero apat na bahay ang naapektuhan.
Kasalukuyan pang nagsasagawa ng clearing operation sa lugar dahil kumalat ang lupa sa kalsada at hindi madaanan ng mga sasakyan.
Simula noong araw ng Miyerkukes ay nakaranas na ng patuloy na pag-ulan sa bayan ng Rodriguez at mga karatig na bayan sa Rizal. (D. Cargullo)
