Antipolo City LGU nag-order na din ng COVID-19 vaccine; bakuna libre para sa mga residente
Nakapag-order na din ng bakuna ang lokal na pamahalaan ng Antipolo City para sa kanilang mga residente.
Ayon kay Antipolo City Mayor Andeng Ynares, libreng ipagkakaloob ang COVID-19 vaccine sa mga residente.
Magiging boluntaryo din aniya ang pagpapabakuna at hindi pipilitin ang mga residente.
Sinabi ng alkalde na nauunawaan ng lokal na pamahalaan na may ilan pa ring may pangamba sa bakuna lalo at sariwa pa sa isipan ang dulot ng side effects ng bakunang Dengvaxia.
Ayon kay Ynares, nakahanda na ang health team para sa roll-out ng COVID-19 vaccine sa 2nd o 3rd Quarter ng kasalukuyang taon. (D. Cargullo)
