Antipolo at Marikina stations ng LRT-2 operational na; libre ang sakay sa loob ng dalawang linggo

Bukas na simula ngayong Lunes July 5 ang Antipolo at Marikina stations ng LRT-2.

Ayon sa Light Rail Transit Authority (LRTA), operational na ang LRT-2 mula Antipolo Station to Recto Station at vice versa.

Sa pagbubukas ng ng dalawang bagong istasyon ay may handog na libreng sakay ang LRTA sa Antipolo at Marikina stations hanggang July 18.

Para ma-avail ang libreng sakay narito ang mga kailangang gawin:

– Para sa mga pasahero na ang biyahe ay sa pagitan lamang ng Antipolo, Marikina at Santolan, maaring kumuha ng Free Ride coupon sa Passengers Assistance Office / Tellers Booth at Staff Gates.

– Sa mga pasahero na patungo ng Katipunan hanggang Recto, gumamit ng Stored Value o Single Journey mula Antipolo o Marikina. Ang babayaran lamang ay katumbas ng pamasahe na galing ng Santolan at kung saang istasyon bababa.

– Kung galing ng Antipolo, sasakay ng shuttle train at bababa pagdating ng Santolan Station para lumipat sa tren na biyaheng Recto. (Dona Dominguez-Cargullo)