Anim pang barangay sa Maynila isasailalim sa lockdown simula sa March 17

Magpapatupad ng lockdown sa anim pang mga barangay sa lungsod ng Maynila.

Kasunod ito ng pagdami ng kaso ng COVID-19..

Sa inilabas na abiso ng Manila Public Information Office, iniutos ni Mayor Isko Moreno ang lockdown sa sumusunod na mga barangay simula alas 12:01 ng madaling araw ng March 17 hanggang alas 11:59 ng gabi ng March 20:

– Brgy. 185 Zone 16 (Tondo 2)
– Brgy. 374 Zone 38 (Sta. Cruz)
– Brgy. 521 Zone 52 (Sampaloc)
– Brgy. 628 Zone 63 (Sta. Mesa)
– Brgy. 675 Zone 74 (Paco)
– Brgy. 847 Zone 92 (Pandacan)

Exempted naman sa lockdown ang mga healthcare workers, police at military personnel, government employees, service workers, barangay officials, at media practitioners na accredited ng PCOO at IATF.