Anim na bagyo ngayong linggo, “fake news” ayon sa PAGASA
Pinag-iingat ng PAGASA ang publiko sa pagbahagi ng mga pekeng impormasyon na kumakalat ngayon sa social media.
Ayon sa PAGASA, hindi totoo ang ipinapakalat na impormasyon sa Facebook na mayroong anim na bagyo na papasok sa loob ng Philippine Area of Responsibility ngayong Linggo.
Sinabi ng PAGASA na mayroon ding mga maling impormasyon ng class suspension na iniuugnay dito.
Paalala ng weather bureau sa publiko, ugaliing beripikihin ang impormasyon mula sa official website at verified social media pages ng DOST-PAGASA at iba pang ahensya ng gobyerno.
Hindi din dapat basta-basta magbahagi ng mga nababasa sa social media dahil ang mga peke at maling impormasyon ay lalo lamang magdudulot ng kalituhan sa publiko. (DDC)
