Angkas nagsimula nang mag-deliver ng saliva samples patungong Red Cross

Umarangkada na ang Angkas sa pagsuporta nito sa COVID-19 RT-PCR testing ng Philippine Red Cross.

Kahapon araw ng Miyerkules (Mar. 3), nagkaroon na ng dry run ang Angkas upang subukan ang pagdadala ng saliva samples mula sa collection sites, katulad ng mga malls, papunta sa Red Cross laboratories.

Ayon kay George Royeca, ang Co-Founder at Chief Transport Advocate ng Angkas, masaya silang makatulong at magkaroon ng kontribusyon sa laban ng bansa kontra COVID-19.

Magugunitang kamakailan ay lumagda ng partnership ang Angkas at ang Philippine Red Cross.

Sasailalim din sa pagsasanay ang mga rider ng Angkas para matuto sila ng pagbibigay ng first aid.

Mabilis kasi silang makareresponde sa mga aksidente sa lansangan.