Amihan bahagya muling lumakas, apektado ang buong Luzon
Buong Luzon na muli ang naaapektuhan ng hanging Amihan o Northeast Monsoon.
Sa weather forecast ng PAGASA, ang buong Bicol Region ay makararanas ngayong araw ng maulap na papawirin na pag-ulan dahil sa Amihan.
Maulap na papawirin na may mahihinang pag-ulan naman ang mararanasan sa Cagayan Valley, Cordillera Administrative Region, Aurora at Quezon.
Habang sa Metro Manila, at nalalabi pang bahagi ng Luzon, bahagyang maulap hanggang sa maulap na papawirin lamang ang iiral na mayroong isolated na mahihinang pag-ulan.
Sa nalalabi pang bahagi ng bansa ay localized thunderstorms lamang ang iiral.
