Account ni US President Donald Trump na @realDonaldTrump sinuspinde ng Twitter
Pinatawan ng suspensyon ng Twitter ang account ni US President Donald na “@realDonaldTrump”.
Ayon sa Twitter Safety, 12-oras na ilo-lock ang account ni Trump.
Tatlong magkakasunod na tweets din sa naturang account ni Trump ang tinanggal ng Twitter dahil sa paulit-ulit na paglabag sa Civic Integrity Policy.
Ayon pa sa pahayag ng Twitter Safety, kung patuloy na lalabag si Trump sa Twitter Rules, kasama na ang Civic Integrity o Violent Threats policies, maaring permanente nang masuspinde ang account nito.
Ayon sa Twitter patuloy nilang pag-aaralan ang sitwasyon kabilang ang mga aktibidad at pahayag na ibinabahagi sa Twitter. (D. Cargullo)
