Tuguegarao City muling isasailalim sa ECQ sa loob ng 10 araw

Muling sasailalim sa Enhanced Community Quarantine ang Tuguegarao City.

Dahil ito sa patuloy na pagtaas ng kaso ng COVID-19 sa lungsod.

Inaprubahan ng Regional Inter-Agency Task Force (RIATF) ang rekomendasyon ng pamahalaang lungsod na muling magpatupad ng mahigpit na quarantine status sa lungsod.

Ayon sa Tuguegarao City Information Office, ang pag-iral ng ECQ ay simula alas 12:01 ng madaling araw bukas, March 30 hanggang alas 12:00 ng hatinggabi sa April 8.

Batay sa pinakahuling datos, sampung barangay sa lungsod ang may mataas na kaso ng COVID-19.