P13.6M na halaga ng shabu nakumpiska sa isang drug suspect sa Laguna
Arestado ang isang lalaki sa ikinasang buy-bust operation sa San Pedro, Laguna.
Batay sa ulat ng PNP Drug Enforcement Group, sinabi ni PNP Officer-in-Charge Police Lieutenant General Guillermo Lorenzo Eleazar na ang naarestong suspek ay kinilalang si Edgarfeel Balono SAkilan, alyas Kalbo, 42 anyos.
Ang suspek na tubong Maguindanao ay naaresto sa Phase 1A Yakal Loop extension kanto ng Sugarberry St., Blk 3 lot 19, Saint Joseph Village, San Pedro, Laguna.
Si Sakilan ay notoryus na drug courier sa Region 3, NCR, 4A at Mindanao.
Nakuha sa kaniya ang hinihinalang shabu na mayroong DDB value na P13.6 million.
Si Sakilan ay kasamahan ng suspek na si Michael Romualdez na una nang naaresto sa Imus City, Cavite.
