69 na volcanic tremor naitala sa Bulkang Taal

Sa nakalipas na 24 oras nakapagtala ng 69 na volcanic tremor sa Bulkang Taal.

Nakapagtala din ng mahinang pagsingaw mula sa mga fumaroles o gas vents sa Main Crater ng bulkan.

Nananatiling nakataas ang Alert Level 1 sa Mt. Taal.

Paalala ng PHIVOLCS, maari pa ding magkaroon ng steam-driven o phreatic explosions, volcanic earthquake, bahagyang pagbubuga ng abo at pagbuga ng volcanic gas.

Mahigpit pa ring ipinagbabawal ang pagpasok sa Taal Volcano Island lalung-lalo na sa gawi ng Main Crater at ng Daang Kastila fissure.