29 Pinoy, nakabalik na sa Milan; 2 nananatiling naka-confine sa Germany

Patuloy ang DMW-OWWA Rapid Response Team (RRT), katuwang ang Philippine Consulate General in Frankfurt at MWO, sa pagtutok sa ating mga kababayang naapektuhan ng bus accident sa Bavaria.

Sa ngayon, 29 Pilipino na ang nakabalik sa Milan matapos ma-clear para sa biyahe. Dalawa naman ang nananatiling naka-confine sa mga ospital sa Bavaria at patuloy na mino-monitor ang kanilang kalagayan at pangangailangan.

Nitong Setyembre 30, personal na binisita ni OWWA Administrator PY Caunan ang isa sa mga pasyente sa Murnau Hospital at nakipag-ugnayan sa medical team kaugnay ng kanyang gamutan at kinakailangang suporta.

Patuloy din ang koordinasyon ng Philippine Government sa German authorities kaugnay ng imbestigasyon at sa pagtiyak ng angkop na legal assistance at representation para sa mga apektadong Pilipino.

Lubos din ang pasasalamat natin sa German authorities, first responders, medical teams, Red Cross, Malteser, at iba pang care workers na agad tumugon at patuloy na tumutulong sa ating mga kababayan. (Bhelle Gamboa)