₱2.7M na halaga ng shabu nakumpiska sa week-long operations ng SPD

Nakapagtala ang Southern Police District (SPD) sa ilalim ng liderato ni PBGen Rodel A. Pastor, malaking tagumpay sa kanyang maigting na kampanya kontra ilegal na droga na nagresulta ng pagkaaresto ng 100 na indibiduwal at nakumpiska ang ₱2,732,670.00 na halaga ng umano’y shabu, marijuana, at kush magmula Setyembre 21 hanggang 27, 2026.

Sa gitna ng isang linggong operasyon, ang mga pulis sa buong distrito ay nakahuli ng dalawang high-value individuals (HVIs) at 98 na street-level individuals (SLIs). Nagsagawa ng kabuuang 77 na anti-illegal drug operations na nagreseulta ng pagkakumpiska ng tinatayang 399.37 na gramo ng shabu; 1.70 na gramso ng marijuana; at 9.50 na gramo ng kush, kasama ang isang vape na naglalaman ng marijuana/cannabis oil.

Kabilang sa mga kapansin-pansing accomplishments ng mga yunit ng pulisya sa katimugang Metro Manila ay ang pagkakumpiska ng Las Piñas Police Station sa mga ilegal na droga na nagkakahalaga ng ₱952,800.00; sinundan ng Taguig City Police Station sa nakumpiskang ₱872,866.00 na halaga ng droga; at ang nasabat ng District Drug Enforcement Unit (DDEU) sa halagang ₱510,000.00.

“These accomplishments demonstrate our police personnel’s continued commitment to enforcing the law and protecting our communities from the harmful effects of illegal drugs. We will sustain our operations and strengthen our coordination to ensure that those involved in the illegal drug trade are held accountable,” sabi ni BGen Pastor.

Patuloy ang SPDsa pagpapalakas ng kanyang intelligence-driven at law-enforcement operations laban sa ilegal na droga habang pinapanatili ang malapit na koordinasgon sa kanyang mga police station at specialized units. Sa pamamagitan ng matatagal nitong hakbang at kooperasyon sa komunidad, nananatili ang SPD sa kanyang pangako na isusulong ang mas ligtas at mas seguridad na mga komunidad sa buong southern Metro Manila. (Bhelle Gamboa)