MMDA tumanggap ng donasyon mula sa JCI

Nakatanggap ang Metropolitan Manila Development Authority (MMDA) ng donasyon mula sa Junior Chamber International (JCI) Manila bilang suporta sa Bayanihan sa Estero Program ng ahensiya.

Personal na tinanggap nina MMDA Chairman Atty. Don Artes, Deputy Chairman Usec. Frisco San Juan Jr., at Assistant General Manager for Finance and Administration Carol Salgado ang naturang donasyon sa ginanap na flag-raising ceremony ngayong Lunes, Setyembre 21, sa MMDA Head Office, Pasig City.

Nagkaloob ang JCI Manila ng 150 pares ng boots at gloves na gagamitin ng mga tauhan ng MMDA sa pagsasagawa ng mga cleanup activities sa mga estero at iba pang waterways sa Metro Manila. Nagbigay din ito ng isang commemorative chair na gawa mula sa mga plastik na nakolekta sa cleanup operations, na sumisimbolo sa kahalagahan ng recycling at responsible waste management.

Nagpapasalamat ang MMDA sa JCI Manila sa patuloy na pakikiisa at suporta sa mga programa para sa mas malinis, ligtas, at maayos na Metro Manila. (Bhelle Gamboa)