Gobyerno sisimulan na ang pag-usad ng Waste to Energy Program
Aminado si Pangulong Ferdinand Marcos Jr. na malaking problema talaga ang waste management sa bansa.
Kaya naman ayon sa pangulo, sisimulan na ng Department of Energy ang plano para sa pagpapatupad ng Waste to Energy Program.
Ayon kay Pangulong Marcos, nagpapatuloy ang hakbang ng DOE para masimulan na ang auction.
Ito aniya ang nakikitang solusyon ng gobyerno lalo at puno na ang mga landfill.
Kasabay nito patuloy rin ayon sa pangulo ang iba pang mga hakbang kabilang ang pagsigurong operational ang mga pumping station at pagsasagawa ng dredging.
