PBBM nag-inspeksyon sa tambak na basura sa Diokno Pumping Station sa Pasay

Personal na ininspeksyon ni Pangulong Ferdinand Marcos Jr. ang isinasagawang clearing at waste collection operations sa Diokno Pumping Station sa Pasay City.

Ang operasyon ay bahagi ng patuloy na flood mitigation efforts ng pamahalaan sa Metro Manila, kabilang ang dredging, desilting, at declogging ng mga daluyan ng tubig sa ilalim ng Oplan Kontra Baha.

Isinasagawa rin ang rehabilitasyon at pag-upgrade sa Diokno Pumping Station upang madagdagan ang pumping capacity nito at matiyak ang tuloy-tuloy na operasyon.

Matapos lumantad ang tambak na basura, sinabi ng pangulo na kailangan ang sama-samang pagkilos upang maging epektibo ang mga hakbang kontra baha.

Kabilang dito ang responsableng pagtatapon ng basura upang mapanatiling malinis at walang bara ang mga estero, ilog, at drainage system.

Tiniyak naman ng pangulo ang regular na paglilinis at maintenance, pagpapalakas ng mga pumping station at iba pang flood mitigation infrastructure. (DDC)