Patuloy na nararanasang pag-ulan nagdulot na ng higit P135M na halaga ng pinsala sa agrikultura

Umabot na na sa mahigit 135.3 million pesos ang halaga ng pinsala sa agrikultura ng sama ng panahon na dulot ng bagong Luis at Maymay, at ng Habagat.

Sa datos ng Department of Agriculture, mayroong 6,010 na magsasaka ang naapektuhan at aabot sa mahigit 4,500 na ektarya ng pananim sa Ilocos Region, Central Luzon, CALABARZON, MIMAROPA at Western Visayas ang napinsala.

Kabilang sa nasira ay mga pananim na palay, mais at high-value crops habang may naapektuhan ding mga alagang hayop, agricultural infrastructure, machinery at mga kagamitan.

Iniutos na ni Agriculture Secretary Francisco Tiu Laurel Jr. ang pagkakaloob ng tulong sa mga naapektuhang magsasaka kabilang ang pag-aasikaso sa kanilang insurance at credit support. (DDC)