Higit P62M halaga ng tsongke nabuking sa bagahe ng apat na pasahero galing Thailand

Hinarang ng Bureau of Customs ang apat na pasahero sa NAIA matapos Nakita ang kahina-hinalang laman ng dala nilang mga bagahe.

Ayon sa BOC, ang mga pasahero ay dumating sa NAIA Terminal 3 galing Bangkok, Thailand.

Nabuking sa bitbit nilang walong bagahe ang mahigit 41 kilos ng hinihinalang tsongke.

Tinatayang aabot sa mahigit 62 million pesos ang halaga nito.

Nagsasagawa na ng pagsusuri ang Bureau of Customs, PDEA, Bureau of Immigration, at iba pang law enforcement agencies sa mga nakumpiskang kontrabando at naharang na mga pasahero. (DDC)