NPA member, dayuhang kasabwat timbog sa Laguna

Naaresto ng militar katuwang ang Bureau of Immigration ang isang miyembro ng New People’s Army at dayuhang kasabwat nito sa operasyon sa Cabuyao City, Laguna.

Ayon sa pahayag ng 68th Infantry Battalion ng Philippine Army, isinilbi kay alyas “Samay” ang warrant of arrest para sa kinakaharap niyang kasong murder.

Kasama ding nadakip ang isang American national na si alyas “Esther”.

Si alyas “Esther ay dati nang itinuro ng na-rescue na si Chantal Anicoche bilang isa sa mga naging kasamahan niya pagpasok ng bansa.

Muli namang nanawagan ang militar sa mga natitirang miyembro at tagasuporta ng Communist Terrorist Group o CPP-NPA na samantalahin ang pagkakataong magbalik-loob habang may panahon pa. (DDC)