LTO nag-isyu ng show cause order vs driver na nakabangga sa tauhan ng Coast Guard sa checkpoint sa Parañaque

Naglabas ng Show Cause Order ang Land Transportation Office laban sa rehistradong may-ari at driver ng sasakyan na sangkot sa insidente ng pagkakabangga sa isang tauhan ng Philippine Coast Guard habang nagsasagawa ng checkpoint operation kasama ang mga tauhan ng LTO sa Roxas Boulevard, Parañaque City.

Nagtamo ng mga pinsala ang biktima matapos mabangga ng naturang sasakyan habang nagsasagawa ng checkpoint operation.

Inatasan ng LTO ang rehistradong may-ari at ang driver ng sasakyan na humarap sa tanggapan ng Intelligence and Investigation Division para sa isasagawang pagdinig.

Pinagsusumite din siya ng sinumpaang salaysay, kalakip ang mga orihinal na dokumento, upang ipaliwanag kung bakit hindi dapat maharap ang driver sa kasong Reckless Driving at kung bakit hindi siya dapat ideklarang Improper Person to Operate a Motor Vehicle.

Sa ngayon ay suspendido na ang driver’s license nito at inilagay na sa alarm status ang sangkot na sasakyan. (DDC)