DSWD bibigyan ng psychosocial support ang mga apektado ng gumuhong gusali sa Pampanga

Iniutos ni DSWD Sec. REX Gatchalian ang agad na pagbibigay ng tulong sa mga pamilyang apektado sa pagguho ng itinatayong gusali sa Angeles City, Pampanga.

Ayon sa DSWD, agad nag-deploy ng mga tauhan ang DSWD Field Region Office 3 para magbigay tulong sa mga apektadong manggagawa at kanilang pamilya.

Para sa paunang interbensyon magkakaloob ang ahensya ng psychosocial support sa mga naapektuhan.

Inihahanda na rin ng ahensya ang ready-to-eat food boxes, family food packs at tulong-pinansyal bilang bahagi ng paunang ayuda ng Kagawaran.

Nakikipag-ugnayan na din ang ahensya sa iba’t ibang response agencies para sa nagpapatuloy sa search and rescue operations.

(DDC)