Mga Pinoy sa Kenya pinasusunod sa health protocols sa Ebola

Inabisuhan ng Philippine Embassy sa Nairobi ang mga Pinoy sa Kenya na maging mapagmatyag at palagiang mag-ingat kasunod ng umiiral na Ebola outbreak sa Congo at Uganda.

Ayon sa embahada, dapat palagiang sundin ng mga Pinoy ang ipinatutupad na Health Protocols.

Paalala ng embahada, iwasan muna ang non-essential travel patungo sa mga apektadong lugar lalo na sa eastern part ng Congo.

Ugaliin ang pagkakaroon ng proper hygiene kabilang ang madalas na paghuhugas ng kamay at paggamit ng alcohol at sanitizers.

Iwasan din ang direktang contact sa mga mayroong sintomas.

Kung nakararanas ng sintomas, payo ng embahada na agad magpatingin sa doktor. (DDC)