Maigting na ugnayan at koordinasyon sa kapakanan ng OFWs ng Makati City

Nilagdaan nina Makati City Mayor Nancy Binay at OWWA Administrator PY Caunan, kasama si OWWA RWO-NCR Regional Director Ma. Teresa Capa, ang Memorandum of Agreement (MOA) para sa mas pinaigting na ugnayan at koordinasyon para sa kapakanan ng mga residenteng overseas Filipino workers (OFW) ng Lungsod ng Makati.

Layon ng kasunduan na maitatag ang OFW Help Desk at referral system para mas mapadali ang pag-access ng mga OFW at kanilang pamilya sa mga programa, serbisyo, at assistance ng OWWA, lalo na para sa reintegration ng mga returning OFWs.

Sa ilalim ng MOA, magsasagawa ang OWWA ng regular na koordinasyon at orientation para sa OFW Help Desk Officers at LGU personnel, gayundin ang pagbibigay ng information materials at iba pang support services para sa mga OFWs. Maglalaan naman ang Pamahalaang Lungsod ng Makati ng office space at personnel para sa OFW Help Desk upang matiyak ang tuloy-tuloy at maagap na serbisyo para sa ating mga Kababayang OFWs at kanilang pamilya.

Patuloy ang OWWA sa pakikipagtulungan sa mga lokal na pamahalaan upang mas mailapit ang #SerbisyongMayPuso para sa ating mga OFWs. (Bhelle Gamboa)