3 HVIs timbog sa ₱1.3-M na halaga ng ilegal na droga sa Taguig City
Naaresto ng Southern Police District (SPD) ang tatlong bagong natukoy na High-Value Individuals (HVIs) at nakumpiska ang tinatayang ₱1.3 million na umano’y shabj sa kasagsagan ng buy-bust operation sa isang commercial establishment sa Barangay Lower Bicutan, Taguig City.
Ang operasyon ay ikinasa ng mga tauhan ng District Drug Enforcement Unit (DDEU-SPD) sa pangunguna ni Maj Cecilio Tomas Jr. sa koordinasyin ng District Intelligence Division (DID-SPD) at Sub-Station 12 ng Taguig City Police Station na nagresulta ng pagkaaresto ng mga suspek na sina alyas “Nash,” 25-anyos; alyas “Parouk,” 32-anyos; at alyas “Dustin,” 18-anyos.
Narekober ng otoridad ang 200 na gramo ng hinihinalang shabu na nagkakahalaga ng ₱1,360,000.00, buy-bust money, long envelope, at cellular phone na umano’y ginamit sa ilegal na transaksiyon.
Inihahanda na ang pagsasampa ng kasong paglabag sa Comprehensive Dangerous Drugs Act of 2002 laban sa tatlong suspek na nasa kustodiya ngayon ng DDEU-SPD.
“SPD remains aggressive in targeting individuals involved in illegal drug activities. We will continue to strengthen intelligence monitoring and enforcement operations to prevent the spread of illegal drugs in our communities and hold violators accountable under the law,” sabi ni BGen Glenn Oliver C. Cinco, District Director, SPD. (Bhelle Gamboa)
