Drainage improvement sa Araneta Ave. sa QC tatapusin ngayong buwan

Malapit nang makumpleto ang halos 500 million pesos na halaga ng drainage improvement project sa G. Araneta Avenue sa Quezon City na bahagi ng “Oplan Kontra Baha” ng pamahalaan.

Sa datos ng Department of Public Works and Highways, nasa 96.75 percent nang kumpleto ang proyekto at target itong makumpleto sa Mayo 31, 2026.

Bahagi ng proyekto ang paglalagay ng dalawang malalaking pipes sa ilalim ng kalsada, pag-upgrade ng drainage inlets, at pagpapalakas ng daluyan ng tubig patungo sa San Juan River.

Pinuntahan ni Pangulong Ferdinand Marcos Jr. ang proyekto upang tingnan ang progreso ng flood control works sa lugar.

Ang proyektong ito sa Araneta Avenue ayon sa pangulo isa lamang sa malaking plano sa ilalim ng pag-aaral at rekomendasyon ng Project Noah.

Samantala, sinabi naman ni DPWH Secretary Vince Dizon na nakitaan na ng pagbuti ang sitwasyon sa Araneta Avenue sa naranasang malakas na pag-ulan nitong nagdaaang mga araw. (DDC)