Cityhood Mega Job Fair ng Las Piñas isinagawa, 136 Las Piñeros hired on the spot
Matagumpay ang pagbibigay ng trabaho sa pamamagitan ng Public Employment Service Office (PESO) Cityhood Mega Job Fair na ginanap sa Robinsons Las Piñas para sa mga Las Piñero.
Personal na tinutukan nina Mayor April Aguilar, PESO Head Red Garcia, at DOLE MuntiParLas Director Jeremiah T. Carlos ang programa na layong palawakin ang access sa employment at suportahan ang mga aplikanteng naghahanap ng trabaho.
Umabot sa kabuuang 662 na jobseekers ang nagrehistro kabilang ang 10 persons with disability (PWD), walong senior citizens, at 90 na solo parents.
Nasa 136 aplikante ang hired on the spot kabilang ang limang solo parents na nabigyan ng agarang pagkakataon na magsimula ng bagong yugto sa kanilang kabuhayan. (Bhelle Gamboa)
