Col. Cinco itinalagang bagong SPD Chief
May bagong Acting District Director ang Southern Police District (SPD sa katauhan ni Col. Glenn Oliver C. Cinco.
Pinangasiwaan ni MGen Anthony A. Aberin, Regional Director ng National Capital Region Police Office (NCRPO) ang ginanap na Change of Command Ceremony sa SPD Grandstand, Fort Bonifacio, Taguig City.
Pinalitan ni Col Cinco sa puwesto si outgoing BGen Randy Y. Arceo na kasalukuyang itinalaga naman bilang Deputy Regional Director for Administration ng NCRPO.
Ibinahagi ni BGen Arceo ang mga tagumpay ng SPD kabilang ang maigting na anti-criminality operations, tuluy-tuloy na police visibility, at pinalakas na hakbanging pangkaligtasan na ipinapatupad sa pamamagitan ng koordinadong mga operasyon.
Inatasan naman ni Col Cinco ang lahat ng tauhan ng SPD na panatilihin ang isinasagawang mga inisyatibo, disiplinado, tiyakin ang agarang pagtugon at pananagutang mga serbisyo.Binigyang-diin nito ang importansiya ng ng patuloy na koordinasyon sa local government units, partner agencies, at komunidad upang mapanatili ang peace and order.
“The leadership transitions must ensure continuity in operations, stability in command, and sustained public trust, and reiterated his five guiding principles in policing,” sabi ni MGen Aberin.
“We will sustain our operations with discipline and accountability, ensuring that our presence on the ground remains visible, responsive, and focused on protecting the public,” wika ni Col Cinco.
Muling nanindigan ang SPD sa kanyang mandato na protektahan at serbisyuhan ang mamamayan at bayan. (Bhelle Gamboa)
