P203K halaga ng shabu nakumpiska; suspek arestado sa Taguig City
Natiklo ng mga tauhan ng Taguig City Police Station Drug Enforcement Unit ang isang suspek at nakumpiska umano rito ang ₱203,320 na halaga ng umano’y shabu sa ikinasang drug buy-bust operation malapit sa isang beauty parlor sa Maharlika Road, Barangay Upper Bicutan sa lungsod kahapon.
Ang suspek ay kinilalang si alyas Kadir, 50-anyos.
Batay sa natanggap na report ng Southern Police District, narekober sa gitna ng operasyon ang tinatayang 29.9 gramo ng hinihinalang shabu,buy-bust money at cpin purse.
Dibala ang mga nakumpiskang ebidensiya sa SPD Forensic Unit upang isailalim sa chemical analysis.
Inihahanda na ng otoridad ang pagsasampa ng kasong paglabag sa Section 5 and 11 Article II of R.A 9165 (Comprehensive Dangerous Drugs Act of 2002) laban sa suspek sa Taguig City Prosecutor’s Office. (Bhelle Gamboa)
