Tigil-pasada ng PISTON at MANIBELA kasado na

Kasado na ang tigil-pasada ng grupong PISTON at MANIBELA sa araw ng Lunes (Apr. 15) at Martes (Apr. 16).

Ayon kay PISTON national president Mody Floranda, magsasagawa ding protesta sa tanggapan ng Land Transportation Franchising and Regulatory Board (LTFRB) sa Quezon City at sa Mendiola sa Maynila.

Magkakaroon muna ng pagtitipon sa U.P. Avenue sa Diliman at mula doon ay magsasagawa ng caravan patungong LTFRB.

Ayon sa PISTON at MANIBELA, mapaparalisa ang public transport sa isasagawang dalawang araw na strike.

Ang tigil-pasada ay bilang pagprotesta sa ilang regulasyon sa ilalim ng PUV Modernization Program ng pamahalaan. (DDC)