2 arestado, shabu nakumpiska sa pagsisilbi ng search warrant sa Taguig

Dinakip ng mga tauhan ng Taguig City Police Maharlika Substation ang dalawang indibiduwal at nakumpiska ang umano’y shabu na nagkakahalaga ng ₱104,856 nang isilbi ang search warrant sa Barangay Central Bicutan sa lungsod.

Kinilala ang mga naarestong suspek na sina alyas Arturo, 38-anyos at alyas Kristine, 24-anyos.

Sa bisa ng search warrant na inisyu ng Taguig City Regional Trial Court (RTC) Branch 70 ay nakarekober ang otoridad ng tinatayang 15.42 gramo ng sinasabing shabu sa naturang lugar na sanhi ng pag-aresto sa dalawang suspek.

Ang matagumpay na operasyon ay resulta ng dedikasyon at kasipagan ng otoridad sa Taguig City.

Nasa kustodiya ng pulisya ang mga suspek habang itinurn over ang nakumpiskang ilegal na droga sa SPD Forensic Unit. (Bhelle Gamboa)