Taylor Sheesh magkakaroon din ng “Errors Tour” sa Singapore

Matapos ang matagumpay na “The Errors Tour” sa Melbourne, Australia ay sa Singapore naman mapapanood ng live si Taylor Sheesh.

Sa post sa Social Media ng Pinoy drag performer na si Mac Coronel o mas kilala bilang Taylor Sheesh, kinumpirma nito ang pagdaraos ng dalawang araw na “The Errors Tour” sa Singapore.

Gaganapin ito sa March 16 at sa March 17.

Ayon pa kay Taylor Sheesh, mabilis na na-sold out ang Day 1 ng kaniyang tour.

Ayon kay Taylor Sheesh, nakatakda din siyang manood ng The Eras Tour ng kaniyang idol na si Taylor Swift sa Singapore sa March 4. (DDC)