Hidilyn Diaz nagtapos ng kursong Business Administration

Ibinahagi ng Olympic Gold Medalist na si Hidilyn Diaz ang panibagong achievement sa kaniyang buhay.

Nakatapos si Diaz ng Bachelor of Science in Business Administration Major in Management sa De La Salle – College of St. Benilde.

Ayon kay Diaz, inabot ng labinganim na taon bago siya nakatapos ng pag-aaral dahil sa pag-shift niya ng course, pag-transfer ng paaralan, at pag-LOA dahil mahirap pagsabayin ang weightlifting at pag-aaral.

Sinabi ni Diaz na hindi niya inakalang makapagtatapos siya ng kolehiyo kasabay ng paghahanda para sa Olympics.

“Dreaming of graduating from college and earning a degree while preparing for the Olympics. Hindi ko akalain na magagawa ko, after sleepless nights and tiring days from training while attending school at Posible pala.” ani Diaz.

Hinikayat ni Diaz ang lahat ng student-athletes na magpursige sa pag-aaral. (DDC)