Lalaki arestado matapos mahulihan ng halos P415K na halaga ng shabu
Arestado ang isang 51-anyos na umano’y tulak ng iligal na droga matapos maaresto sa ikinasa na drug-bust operation ng City Intelligence at Drug Enforcement Unit ng Cebu City Police.
Kinilala ni Police Colonel Ireneo Dalogdog, City Director ang naaresto na si alyas ‘Bulhog’ residente ng H. Cortes St., Mandaue City.
Si ‘Bulhog’ ay mapapabilang sa talaan ng Newly Identified High Value Individual.
Aabot sa 61 gramo ng hinihinalang shabu na nakumpiska sa suspek na may standard drug price na P414,800.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002. (DDC)
