Maynilad may ipatutupad na service interruption sa May 24 at May 26

Magpapatupad ng water service interruptions ang Maynilad ngayong linggo sa ilang lugar na sineserbisyuhan nito sa Metro Manila at Cavite.

Ayon sa abiso ng Maynilad, magsasagawa ito ng repair acitivities sa leaking valve sa Putatan Water Treatment Plant.

Ang water service interruptions ay isasagawa sa May 24 at May 26 at maaapektuhan ang ilang mga barangay sa
Las Piñas, Muntinlupa, Parañaque, at Pasay, at sa Bacoor at Imus sa Cavite.

Makikita sa Facebook page ng Maynilad ang eksaktong oras na mararanasan ang service interruption.

Pinayuhan ng Maynilad ang mga maaapektuhang residente na mag-ipon lamang ng sapat na suplay ng tubig na kanilang kakailanganin habang umiiral ang service interruption. (DDC)