Sasakyan na posibleng ginamit ng mga suspek sa pananambang sa vice mayor ng Aparri natagpuang sunog sa Nueva Vizcaya

Nagsasagawa ng imbestigasyon ang Nueva Vizcaya Police Provincial Office (NVPPO) sa natagpuang sunog na Mitsubishi Adventure na natagpuan sa Brgy. Uddiawan, Solano, Nueva Vizcaya.

Ayon sa Nueva Vizcaya PPO, itinawag ng Brgy. Chairman ng Brgy. Uddiawan sa PNP Solano ang nakitang sunog na sasakyan.

Agad nagtungo sa lugar ang PNP at BFP Solano at doon nadatnan na sunog na Adeventure na tumutugma sa deskripsyon sa ginamit na sasakyan ng mga suspek sa pananambang sa grupo ni Aparri Vice Mayor Rommel Alameda.

Tinambangan ang grupo ni Vice Mayor Alameda sa bayan ng Baretbet, Nueva Vizcaya at batay sa imbestigasyon ang mga mga suspek ay sakay ng kulay puti na Mitsubishi Adventure na may plakang SFN 713.

Ang nasabing plaka ay nakarehistro diumano na isang Pick Up Truck ng Nueva Vizcaya State University. (DDC)