Port of Lucena mahigpit na binabantayan ng mga tauhan ng PCG dahil sa pagdagsa ng mga pasahero

Mahigpit ang pagbabantay ng Philippine Coast Guard (PCG) sa Port of Lucena sa lalawigan ng Quezon ngayong patuloy ang pagdagsa ng mga pasahero.

Tinitiyak ng mga tauhan ng PCG ang kaligtasan ng mga pasahero at maginhawang pagbiyahe ng mga ito.

Tuluy-tuloy din ang mahigpit na pag-iinspeksyon ng mga Coast Guard K9 Teams sa mga bagahe at kargamento ng mga RoRo sa pantalan.

Paalala ng PCG sa mga pasahero, manatiling alerto sa lahat ng pagkakataon.

Mahalaga ding tumutok sa mga balita patungkol sa lagay ng panahon para maiwasan ang pagiging stranded sa port passenger terminal. (DDC)