Pagtanggap ng aplikasyon para sa 2023 Bar Exams, sisimulan sa Jan. 8

Uumpisahan na sa Jan. 8, 2023 ang pagtanggap ng aplikasyon para sa mga kukuha ng 2023 Bar Examinations.

Sa inilabas na Bar Bulletin No. 2 ng Korte Suprema, inilatag ang application requirements para sa 2023 Bar Exams.

Ang application form ay maaaring i-accomplish sa pamamagitan ng Bar Applicant Registration Information System and Tech Assistance o BARISTA na bagong online application platform ng SC.

Magkakaiba ang documentary requirements depende sa uri ng aplikante kung sila ay bagong aplikante, dati nang bar takers o refreshers.

Para sa mga bagong aplikante, ang application period ay mula Jan. 8, 2023 hanggang Apr. 30, 2023.

Kung previous takers o refreshers, ang application period ay mula May 1, 2023 hanggang July 8, 2023.

Ang Bar Application Fee ay P12,800 na babayaran sa pamamagitan ng online payment facilities. (DDC)