Panahon ng tag-ulan opisyal nang idineklara ng PAGASA

Simula na ng panahon ng tag-ulan sa bansa.

Ayon sa PAGASA, ang presensya ng frontal system at severe thunderstorms ay nagdulot ng malawakang pag-ulan sa nakalipas na limang araw .

Sa nakalipas na mga araw ay umiral din ang southwesterly windflow.

Dahil dito ayon sa weather bureau, nakamit na ang criteria para sa pormal na pagsisimula ng panahon ng tag-ulan sa bansa partikular sa western sections ng Luzon at Visayas.

Sinabi ng PAGASA na aasahan na ang manaka-nakang pag-ulan dulot ng Southwest Monsoon sa Metro Manila at sa western sections ng bansa.

Inaasahan pa rin namang magkakaroon ng monsoon breaks na tatagal ng ilang araw o ilang linggo.

Maari pa ring makaapekto sa ilang bahagi ng bansa ang La Niña. (DDC)